Arsenal iyo Barcelona ayaa xalay ku biiray kooxaha u soo baxay wareega sideed dhamaadka ee Champions League, iyadoo Arsenal ay ka soo gudubtay FC Porto halka Barcelona ay ka takhalustay Napoli.
Goorma La Qabanayaa Isku Aadka Wareega 8da Champions League?
Isku aadka wareega 8da Champions League waxa uu dhacayaa maalinta Jimcaha ee 15ka Maarso iyadoo lagu qaban doono xarunta UEFA ee Nyon ee dalka Switzerland.
Isla Jimcaha waxaa la sameyn doonaa isku aadka wareega afar dhamaadka ama semi-finalka. Afarta kulan ee wareega sideeda ayaa la sii shaacin doonaa sida ay isagu sii aadayaa semi-finalka, waana isku aadkii ugu danbeeyay ee la qabanayo Champions League xilli ciyaareedkan.
Kooxahee u soo baxay wareega sideeda?
Lix ka mid ah sideeda kooxood ee wareega 8da ayaa durba xaqiijistay booskooda isku aadka, waxayna kala yihiin:
Manchester City
Real Madrid
Paris Saint-Germain
Bayern Munich
Barcelona
Arsenal
Caawa waxaa soo baxaya midkod:
Borussia Dortmund ama PSV Eindhoven
Atletico Madrid ama Inter Milan
Ayay Man City iyo Arsenal wajihi karaan?
Waa isku aad furan, City iyo Arsenal way isku dhici karaan wareegaan. Ma jiro wax xadidaya kooxaha inay iska horyimaadaa, taasoo la micno ah in labo kooxood oo isku wadan ah ama labo kooxood oo isku group soo ahaa inay isku soo aadi karaan wareega sideeda iyo semi-finalka.
