Kabtanka Liverpool ee Virgil van Dijk ayaa noqday ciyaartoygii ugu horreeyey ee Liverpool ah ee ka falceliya tababaraha la sheegay in kooxdaasi ay doonayso ee Arne Slot, kaas oo hadda qarka u saaran in uu heshiis u saxeexo Liverpool.
Slot oo ah tababaraha kooxda kubadda cagta Feyenoord ee horyaalka waddanka Netherlands ayaa waxa uu kusoo baxay dookha koowaad ee Liverpool, waxaana hadda jamaahiirta iyo ciyaartoyduba aykaliya sugayaan waqtiga la shaacin doono.
Tababare Slot ayaa waxa u taalla shaqo weyn oo ah inuu buuxiyo booska uu bannaynayo tababare Jurgen Klopp oo muddo sagaal sannadood ah oo guulo waaweyn ay kooxdu gaadhay hoggaaminayay kooxdan.
Virgil van Dijk ayaa ka hadlay Slot oo ay isku waddan yihiin, waxaanu yidhi: “Falsafaddiisa iyo qaab-ciyaareedkiisu waxa ay keenayaan in uu Liverpool u noqdo tababare. Anigu waan maqlay waanan akhriyey warkiisa, walina lama dhamaystirin. Waynu eegi doonaa, waxaananu diiradda saari doonaa xilli-ciyaareedka dambe laakiin wali wax badan ayaa hadhsan.”
