Newcastle United ayaa ka fiirsan doonta inay iska iibiso ciyaaryahanka khadka dhexe ee Brazil Bruno Guimaraes, oo 26 jir ah, si lacagta ay ka helaan ay ugu maalgeliyaan suuqa kala iibsiga. (Insider Football)
Real Madrid iyo Paris St-Germain ayaa daawaday Guimaraes kulankii Sabtida ee FA Cup-ka ee Manchester City, halka PSG ay sidoo kale isha ku heysay weeraryahanka Newcastle Alexander Isak (HITC).
Bayern Munich ayaa dooneysa inay iska iibiso ciyaaryahanka khadka dhexe ee Jarmalka Joshua Kimmich xagaagan, laakiin 29-sano jirkaan ayaa xiiseynaya kaliya inuu ku biiro Manchester City, Arsenal, Liverpool, Real Madrid ama Barcelona. (Florian Plettenberg)
Manchester United iyo Liverpool ayaa ka mid ah kooxaha xiiseynaya saxiixa weeraryahanka Real Madrid iyo Morocco Brahim Diaz (HITC).
Ciyaaryahanka khadka dhexe ee kooxda Manchester City ee dalka Portugal Bernardo Silva ayaa sheegay inuu hubo inuu ku laaban doono kooxdiisii ugu horeysay ee Benfica, laakiin 29-sano jirkaan ayaa diiday inuu sheego waqtiga. (SIC)
Everton ayaa dalban doonta ugu yaraan 80 milyan ginni oo ay duldhigeen daafaca England Jarrad Branthwaite 0o 21 jir ah, kaasoo ay doonayaan Manchester United iyo Chelsea. (Teamtalk)
Weeraryahanka England Raheem Sterling, oo 29 jir ah, ayaa diidi doona xiisaha uga imaanaya Saudi Arabia xagaagan isagoo isku dayaya inuu koobab kula guuleysto Chelsea xilli ciyaareedka soo socda. (Standard)
Chelsea ayaa qarka u saaran inay ku abaalmariso weeraryahanka England Cole Palmer, oo 21 jir ah, qandaraas cusub oo mushaharka loogu kordhinayo. (Insider Football)
Eddie Nketiah ayaa laga yaabaa inuu ka tago Arsenal xagaagan, Wolves ayaana ku biirtay kooxaha Premier League ee xiiseynaya 24 sanno jirkaan weerarka ka ciyaara. (Teamtalk).
Tottenham Hotspur ayaa indhaha ku heysa daafac dambeedka midig ee West Ham iyo England Ben Johnson, oo 24 jir ah. (Football Transfers)
Liverpool ayaa sare u qaaday xiisaha ay u qabto daafaca bidix ee Bayer Leverkusen Piero Hincapie, oo 22 jir ah una dhashay dalka Ecuador. (HITC)
Manchester United ayaa wadahadalo horumar leh kula jirta ciyaaryahanka khadka dhexe ee Ingariiska Kobbie Mainoo, oo 18 jir ah, kaasoo ku saabsan qandaraas cusub. (Insider Football)
Kooxda chelsea ayaa u calaamadsatay tababaraha kooxda Inter Milan ee Simone Inzaghi badalka ugu macquulsan ee tababareheeda haatan ee Mauricio Pochettino. (Teamtalk)
