Rio Ferdinand ayaa nabarka ku sii xanuunjiyay Chelsea isagoo sheegay in rag iyo caruur ay ciyaareen iyadoo Arsenal ay xasuuq ku geysatay Emirates Stadium.
Ma naxariistayaasha Arsenal ayaa 5-0 ku gowracay Chelsea oo dhaawacyo badan ay ragaadiyeen, iyagoo seddex dhibcood ku qabtay hogaanka Premier League.
Guuldaradaan ayaa waxay ka dhigeysaa in Chelsea ay soo martay afar maalmood oo xun ka dib markii ay sidoo kale guuldarro ka soo gaartay Man City semi-finalkii FA Cup.
Ferdinand ayaa u sheegay TNT Sports: “Chelsea waxay ahaayeen kuwa mar walba danbeeya. Ciyaartaan waxay aheyd mid u dhaxeysay rag iyo caruur
“Haa, Chelsea waa koox da’ yar, laakiin ciyaartoyda da’ yar mararka qaar waxay la soo baxaan geesinimo.
“Waa ay fiicnaayeen kulamada waa weyn ee isbuucyadii ugu danbeysay, laakiin maanta aad ayay u liiteen. Palmer la’aantiis waxay noqdeen caruur la ciyaareysa rag waa weyn, waana la burburiyay maanta.”
Arsenal aya hogaanka ku heysa 77 dhibcood 34 kulan ay ciyaareen halka Liverpool oo caawa la ciyaareysa Everton ay leedahay 74 dhibcood 33 kulan ay ciyaareen.
Kooxda difaacaneysa horyaalka ee Manchester City waxay leedahay 73 dhibcood laakiin waxaa u harsan labo kulan iyagoo Khamiista la dheelaya Brighton.
