Xiddigaha fashilmay ee Manchester United ayaa lagu waramayaa inay codsadeen in hal maalin la fasaxo ka dib guuldaradii ka soo gaartay kooxda Fulham.
Shayaadiinta Cas Cas ayaa guuldarro 2-1 ah kala kulantay Fulham ciyaartii ka dhacday Old Trafford iyadoo Alex Iwobi uu waqtigii dhimashada goolka guusha ka dhaliyay.
Natiijadaan waxay keentay in Man United ay sideed dhibcood ka danbeyso kooxda kaalinta afaraad, iyagoo halis ugu jira inay u soo bixi waayaan Champions League xilli ciyaareedka danbe.
Inkastoo ay qaab ciyaareed liita soo bandhigeen, qaar ka mid ah ciyaartoyda Man United ayaa sameeyay codsi lala yaabay oo aheyd in la fasaxo maalintii ku xigtay sida ay qortay The Guardiola.
Ciyaartoyda oo aan la magacaabin ayaa u sheegay shaqaalaha tababarka inay doonayeen in la fasaxo maalintii Axada inkastoo Sabtidii laga badiyay.
Caadiyan ciyaartoyda waxay soo xaadiraan garoonka tababarka maalinta ku xigta maalintii ay ciyaareen si ay tababar u sameeyaan islamarkaana u daawadaan muuqaladii ciyaarta laga duubay ee ku saabsanaa qaab ciyaareedkooda.
Codsiga ciyaartoyda ayaa durbadiiba la diiday iyadoo shaqaalaha tababarka ay la yaab ku noqotay in ciyaartoyda ay fasax dalbadaan xilli kooxdooda laga badiyay.
