John Stones ayaa ku jees-jeesay islamarkaana u digay kooxaha ay ku xafiiltamayaan horyaalka ee Arsenal iyo Liverpool isagoo xusuusiyay inay jirto sabab ay Manchester City u xirato calaamada Premier League oo dahabi ah xilli ciyaareedkan.
Kooxaha kale ee horyaalka, caalamada Premier League ee maaliyadooda waa casuus ama cadaan, City waa dahabi waxayna tilmaameysaa maqaamkooda inay yihiin kooxda horyaalka heysata.
Ka dib kulankii ay Man City barbaraha 1-1 la gashay Liverpool, Stones ayaa sheegay in ciyaartoyda Pep Guardiola ay ka go’an tahay inay ku guuleystaan horyaalka markii afaraad oo isku xigta oo ay sii heystaan caalamada dahabiga ah xilli ciyaareedka soo socda.
Stones ayaa yiri: “Waxaa jirta sabab aan caalamada Premier League oo dahabi ah aan u heysano, waxaana dooneynaa inaan difaacano caalamada dahabiga. Waan ku faaneynaa inaan nahay kooxda horyaalka heysata, waxaana dooneynaa inaan mar kale iyo mar kale noqono.
“Waan ogsoonahay inay 10 kulan harsan tahay oo ay jirto wax badan oo loo ciyaaro. Waxa ugu fiican aan sameyn karno waa inaan anaga diirada isa saarno oo aan ka fekerno ciyaarta soo socota. Kulan walba wuxuu inoo yahay sida final oo kale – sidaas ayaana u la dhaqmeynaa. Waan faraxasanahay.”
