Cristiano Ronaldo ayaa raaligeliyay taageerayaasha kooxda Al Nassr ka dib markii uu dhaliyay rigoore kulankii ay guuldarada ka soo gaartay kooxda Imaaraadka Carabta ee Al Ain.
Al Nassr ayaa ka hartay tartanka Asian Champions League ka dib markii rigoore looga badiyay.
Madaama 1-0 looga soo badiyay lugtii hore, waxay kulankii xalay 90ka daqiiqo ku badiyeen 4-3 taasoo keentay in rigoore la isla aado si loo xaqiijiyo kooxdii u soo bixi laheyd semi-finalka.
Laakiin Marcelo Brozovic, Otavio iyo Alex Telles ayaa ku guuldareystay inay rigoorooyinkooda dhaliyaan taasoo keentay in Al Ain ay soo baxdo.
Xaqiiqdiina Cristiano Ronaldo ayaa ahaa ciyaaryahanka kaliya ee rigooradiisa u dhaliyay Al Nassr iyadoo kooxda Sacuudiga guuldarro xanuun badan ku hartay.
Waxay aheyd habeen ay tahay inay iska ilaawaan Al Nassr iyo Ronaldo kaasoo khasaariyay gool loo qaadan waayay qeybtii labaad ee ciyaarta.
Kubad uu goolhayaha soo bixiyay ayuu Ronaldo ku helay goolka hortiisa iyadoo cidna aysan ka xigin shabaqa balse waxa uu hareermariyay goolka, waana fursadii ugu weyneyd abid ee uu qasaariyo waayihiisa ciyaareed.
Daawo Goolka Uu Ronaldo Khasaariyay:
Si kastaba, waxa uu ciyaarta u diray rigoore iyadoo waqtigii caadiga ahaa ay ka harsaneyd kaliya labo daqiiqo.
Wax yar ka dibna wuxuu bixiyay tilmaam uu ku raaligelinaya taageerayaasha Al Nassr ee soo xaadiray garoonka Al Awwal, isagoo ka raaligeliyay goolkii uu qasaariyay qeybtii labaad ee ciyaarta.
Ronaldo ayaa gacmaha isdulsaaray isagoo eegaya taageerayaasha Al Nassr, waana tilmaam muujineysa raaligelin madaama uu khasaariyay gool u soo saari lahaa wareega afar dhamaadka Asian Champions League.
Daawo Ronaldo oo raaligelinaya Jamaahiirta Al Nassr
Cristiano Ronaldo apologises to the Al-Nassr fans after scoring for missing his chance. 💛 pic.twitter.com/bzbtAER0HT
— TC (@totalcristiano) March 11, 2024
