Cristiano Ronaldo ayaa si xun u carooday ka dib markii kooxda Al Nassr ay xalay guuldarro ka soo gaartay kooxda Al Hilal, isagoo ku kacay fal anshax xummo ah markii taageerayaasha ay ku soo tuureen maaliyad Al Hilal ah.
Weeraryahanka reer Portugal ayaa ciyaaray 90ka daqiiqo iyadoo kooxdiisa ay guuldarro 2-0 ka soo gaartay Al-Hilal kulan ka tirsanayaa Riyadh Season Cup.
Ronaldo ayaa ku guuldareystay inuu kooxdiisa guuldarro ka badbaadiyo, wuxuuna ciyaarta ka dib soo bandhigay sida uu uga careysan yahay guuldarrada.
— عزيز (@IlI5l) February 8, 2024
Muuqaalo lagu baahiyay Twitter ayaa muujinaya weeraryahanka oo ku sii jeeda qolka labiska in taageere uu ku soo tuuray maaliyad Al-Hilal ah.
Ronaldo ayaa maaliyada dhulka ka qaaday ka hor inta uusan xubintiisa taranka ku rugin isagoo ka dib si carro leh u tuuray maaliyada.
Ronaldo ayaa si weyn uga xanaaqay sida ay taageerayaasha AL Hilal ugu maadeysanayeen, waxaana uga sii dartay in maaliyada kooxda lagu soo tuuray laakiin sida uu uga falceliyay waxay aheyd mid anshax xummo ah.
Al-Nassr ayay guuldarro soo gaartay ka dib markii Salem Al-Dawsari iyo Sergei-Milinkovic Savic ay guusha u xaqiijiyeen Al-Hilal qeybtii hore ee ciyaarta.
