Antony waqti fiican kuma qaadanin Man United laakiin xiddiga garabka ka ciyaara ayaa sheegay inuu jiro hal saaxiib uu ku leeyahay kooxda kaasoo ka caawiyay waqtigii adkaa ee kooxda ku wajahay.
United ayaa xiddiga reer Brazil kula soo wareegtay 86 milyan ginni xagaagii 2022 laakiin waxa uu ku fashilmay kooxda inkastoo uu si fiican ku bilowday waayihiisa United.
24 jirkan ayaa kaliya dhaliyay labo gool iyo hal caawin 30 kulan uu saftay xilli ciyaareedkan, iyadoo taageerayaasha ay sheegayaan inuu yahay saxiixii ugu xumaa taariikhda Premier League marka loo eego qiimaha uu ku fadhiyo.
Isagoo la hadlayay website-ka rasmiga ah ee United, waxa uu yiri: “Aad ayaan ugu mahadcelinayaa Ilaah iyo saaxiib aan in badan la hadlo.
“Diogo Dalot wax ka badan saaxiib ayuu ii yahay, waa nin iga caawiya maalin walba kooxda. Waxaan leenahay odhaah aan had iyo jeer isku nidhaahno: Ninka bukaanka ah waa mid aan laga adkaan karin.
“Mar walba waan ka hadalnaa arrintaas. Markaa aad iyo aad ayaan ugu mahad naqayaa talada uu siiyey, waqtiyadii aanu wada sheekaysanaynay. Waa nin wax badan i caawiyay.”
