Kullan wacan aqristayaasheena sharafta badan, waxaan halkaan kusoo gudbin doonaa wararkii ugu dambeeyay wargeysyada iyo suuqa kala iibsiga ciyaartooyda maanta oo talaado ah.
Tababaraha kooxda Sporting CP Ruben Amorim ayaa ogolaaday inuu noqdo tababaraha Manchester United ka dib markii la ceyriyay Erik ten Hag shalay. (Manchester Evening News)
Maamulihii hore ee Borussia Dortmund Edin Terzic ayaa sidoo kale la sheegay inuu ku jiro liiska ugu sarreeya ee macalimiinta ay dooneyso Red Devils, (The Sun)
Liverpool ayaa aad u xiiseyneysa saxiixa weeraryahanka Crystal Palace Jean-Philippe Mateta sanadka soo socda marka uu dhaco qandaraaskiisa Selhurst Park. (Fichajes – Spain)
Arsenal ayaa la dhacsan qaab ciyaareedka cusub ee xiddiga Brentford ee Bryan Mbeumo, waxaana ay isha ku hayaan horumarkiisa xili ciyaareedkaan. (Football Insider )
Manchester City ayaa u furan inay iska iibiso xiddiga daafaca dhexe ee Ruben Dias xagaaga soo aadan, Chelsea ayaana ugu sareysa kooxda doonaya xiddiga reer Portugal. (TEAMtalk)
Barcelona ayaa indhaha ku haysa 19 jirka daafaca uga ciyaara kooxda Las Palmas ee Dario Essugo kaas oo qandaraaskiisu dhacayo 2025. (Fichajes – Spain).
Bayern Munich ayaa u ogolaatay ciyaaryahanka da’da yar ee Mathys Tel inuu amaah ku baxo suuqa kala iibsiga bisha January, Kooxda Bundesliga ee Werder Bremen ayaa isha ku haysa xiddiga xulka qaranka France ee Under-21. (Sky – Germany)
Liverpool ayaa diyaarisay liiska daafacyada dhexe ee badali kara Virgil van Dijk, waxayna diiwaan galisay hadda xiisaha ay u qabto xiddiga Nottingham Forest ee Murillo. Si kastaba ha ahaatee, Reds ayaa tartan kala kulmi karta Chelsea. (TEAMtalk)
Alexander Isak ayaa laga yaabaa inuu ka tago Newcastle United suuqa kala iibsiga ee xaggaaga, Arsenal ayaa aad u dooneysa. (Football Insider )
Zlatan Ibrahimovic wuxuu doonayaa xiddiga Tottenham Hotspur Dejan Kulusevski, inuu u saxiixo AC Milan, halkaasoo uu ka yahay lataliye sare. (Juve Live – Italy)
