Manuel Ugarte ayaa dhaliyay rigooradii ugu dambeysay ee guusha iyadoo toban ciyaaryahan oo Uruguay ah ay ka takhaluseen Brazil ka dib ciyaar xun oo ka dhacday Las Vegas.
Manuel Ugarte ayaa dhinac qaldan u diray Alisson halkaasna ka dhaliyay gool ku laadkii ugu dambeeyay.
Uruguay Waxa ay semi-finalka la ciyaari doonaan Colombia, Brazil ayaana sidaasi tartanka looga ciribtiray, ka dib markii ay badisay kaliya hal kulan afartii kulan ee ay ciyaareen.Haddii aad filaysay in kulan qurux badan uu dhex maro labada xul ee ka dhisan Koonfurta Ameerika, waxaad dooratay ciyaar khaldan.
Tani waxa ay ahayd ciyaartii ugu wasakhda badnayd sanadkan Copa America uguna xuma iyada oo lagu galay 41 qalad, taas oo dhaaftay 37kii qalad ee ciyaartii Chile ay 0-0 la gashay Peru.
Xiddiga reer Uruguay ee Nabitan Nandez ayaa sidoo kale casaan looga saaray ciyaarta kadib markuu Taako xun uu ku qabtay Rodrygo.
waxaana jiray afar kaar oo huruud ah ol kulanka la bixiyay.
Si kastaba Brazil ayaa sidaasi looga ciribtiray tartanka Copa America.
