Goolhayaha halyeeyga ah ee Jarmalka Oliver Kahn ayaa markiisa doortay xiddigii abid ugu fiicnaa dunida isagoo Inkiray Messi iyo CR7.
Sida uu shaaca ka qaaday goolhaye Kahn, Ronaldo Nazário waa ciyaaryahankii ugu fiicnaa abid kubadda cagta, wuxuuna ka fiican yahay xitaa Lionel Messi iyo Cristiano Ronaldo sida uu aaminsan yahay.
Kahn waxa uu sheegay in Ronaldo uu ahaa ciyaaryahan aad uga wanaagsan marka la barbar dhigo labada hadda la buunbuuniyo ee Messi iyo CR7.
Doodda ku saabsan ciyaaryahankii ugu weynaa ee abid soo maray kubada cagta ayaa aad loogu kala qaybsan yahay, iyadoo qofba aragi uu bixiyo marka la weydiiyo su,aashaan.
Kahn, Lionel Messi iyo Cristiano Ronaldo midkoodna maaha ciyaaryahanka ugu fiican haddii aad i weydiiso waa halyeyga reer Brazil ee Ronaldo Nazário” ayuu yiri.
Markii la weydiiyay inuu doorto ciyaaryahankiisii ugu fiicnaa ee kubada cagta uu ku arkay, Kahn wuxuu doortay Ronaldo-ha Brazil, isagoo leh, “Aniga ahaan, aad ayuu uga fiicnaa Messi iyo Cristiano marka la barbardhigo.
Waxa uu sidoo kale magacaabay weeraryahankii hore ee Italy Filippo Inzaghi inuu yahay ciyaartoygii sida weyn uga xanaajin jiray isaga, isagoo arinkaan ka hadlay “ayuu yir, “Qofkii iga xanaajiyay wuxuu ahaa Inzaghi. ma uusan ahayn mid sare, laakiin had iyo jeer wuu iga xanaajin jiray marka uu iga horyimaado.
