Mid kamid ah Xiddigaha Real Madrid oo doonaya inuu ka aarsado Liverpool ayaa yiri: ‘Waxaan rajeynayaa inaan la kulanno bisha Febraayo ama Maarso’
Xiddiga Real Madrid, Dani Ceballos, ayaa shaaca ka qaaday rajadiisa ah in isaga iyo saaxiibbadiis ay markale isku aadaan Liverpool ka hor dhammaadka xilli ciyaareedka.
Real Madrid ayaa Arbacadii wajahay Reds oo uu hoggaaminayo Arne Slot.
Ka dib markii ay safar ku tageen Anfield tartanka Champions League, kooxda Carlo Ancelotti ayaa guuldarro 2-0 ah kala kulantay Liverpool.
MacAllister ayaa u xaqiijiyay Liverpool goolka koowaad halka goolka labaad uu dhaliyay Gakpo oo beddel kusoo galay ciyaarta qeybtii dambe.
Ceballos oo ka hadlayay guuldarradii kooxdiisa ee Merseyside ayaa yiri:
“Real Madrid weli ma gaarin heerkii ugu fiicnaa. Waxaan rajeynayaa inaan la kulanno Liverpool bisha Febraayo ama Maarso, waana hubaa in kulanku uu noqon doono mid ka duwan kii dhacay.”
Liverpool ayaa rikoor xun ku leh la ciyaaridda Real Madrid.Waxaa la garaacay todobo kulan 10 kii sano ee ugu dambeysay ay wada kulmaan tartanka Champions league.waxaa Liverpool laga qaaday Labo Final oo kamid ah tartanka Champions league.
