Aston Villa ayaa doonaysa inay la saxeexato khadka dhexe ee Chelsea ee Conor Gallagher, balse Blues ayaa iyaduna doonaysa in Aston Villa ay ku kala beddeshaan weeraryahanka reer Colombia ee Johon Duran oo 20 jir ah. (Telegraph)
Weeraryahanka Brentford iyo xulka England ee Ivan Toney oo 28 jir ah, ayaa waxa doonaysa Tottenham oo ka dhiganaysa bartilmaameedkeeda koowaad ee suuqa. (Football Insider)
Roberto de Zerbi oo shalay shaaciyey inuu ka tegayo Brighton, ayaa waxa uu u dhow yahay in loo magacaabo macallinka cusub ee Bayern Munich ee beddelaya Thomas Tuchel. (Bild)
Real Madrid waxa ay qorshaheeda ku darsatay khadka dhexe ee Liverpool ee Alexis Mac Allister oo 5 jir ah, inkasta oo aanay wali wax dalab ah ka gudbin. (Sun)
Manchester United waxa ay go’aansatay inay iibsio 22 jirka reer England ee Mason Greenwood oo lala xidhiidhinayo Napoli, Juventus iyo Atletico Madrid, kaddib bandhig heersare ah oo uu ka sameeyey Getafe oo uu amaah ku joogo. (TalkSport)
Tababaraha cusub ee Liverpool ee Arne Slot ayaa doonaya inuu safkiisa ku xoojiyo difaaca reer Portugal ee Antonio Silva oo u dheela Benfica. (GMS)
Arsenal ayaa loo sheegay inay bixiso £56 milyan oo Gini oo lagu burburin karayo qandaraaska Benjamin Sesko uu kula jiro RB Leipzig, si ay u hesho 20 jirkan reer Slovenia.)
Tababaraha Barcelona ee Xavi Hernandez ayaa ku dooday in uu haysto taageerada maamulka kooxda, inkasta oo ay soo baxayaan warar sheegaya in la eryayo. (Times)
