Uefa ayaa fiijignan weyn muujinaysa kadib isbedel lagu sameeyay qaabka loo sameeyo isku aadka.
Isku aadka waxaa la rajeynaya beri in lagu sameeyo Computer.
Qalabka waxaa soo saaraya Computer, halkii ay ka ahaan lahayd hannaankii hore ee gacanta.
Shirkadda Ingariiska ee masuulka ka ah isku aadka cusub ee Champions League ayaa sheegtay inay si buuxda ugu diyaar garoobeen inay wax ka qabtaan halista weerar dhanka Internetka ah oo kaga imaanaya Ruushka.
Hemel Hempstead oo fadhigeedu yahay AE Live ayaa bixisa software-ka nidaamka inta badan Computer laga soo saaray kaas oo ka dhici doona Khamiista magaalada Monaco iyadoo tartanku u wareegayo qaab 36 kooxood ah.
Waxay aaminsan yihiin inay si fiican u qalabaysan yihiin si ay ula tacaalaan khatarta ka imanaysa haakariska cadawga ah oo ay u diyaar garoobeen.
“Waxaan u qaadanaynaa amniga internetka si dhab ah,” ayuu yiri madaxa fulinta David Gill.
“Sida cad tani waa arrin xasaasi ah. Waan ka caga jiidayaa in aan faahfaahin ka bixiyo waxa aanu samaynayno laakiin waxa aan kuu xaqiijinayaa in aanu qaadnay wax kasta oo aanu awoodno si aanu u hubino in tani ay tahay mid badbaado leh oo sugan intii suurtogal ah.’
Gill ayaa shaaca ka qaaday in shirkadiisu ay la kulantay weeraro markii ay u shaqaynaysay FIFA ee isku aadka koobka adduunka kadib duulaankii Russia ee Ukraine.
Dhanka kale, ku xigeenka xoghayaha guud ee UEFA Giorgio Marchetti ayaa beeniyay in qaabka cusub uu ahaa isku day aan si hoose loo qarin karin oo lagu doonayo in lagu joojiyo isku dayga lagu abuurayo Super League-ga Yurub oo kala go’a, inkastoo uu kordhay dakhliga ay u keeni doonto kooxaha.
