Taageereyaasha kubadda cagta ayaa cod ku go’aamiyey 30ka goolhaye ee ugu wanaagsanaa taariikhda kubadda cagta, waxaana hoos usoo dhacay Lev Yashin oo ah laacibka loogu magac-daray abaal-marinta goolhayaha ugu fiican ee sannad kasta la bixiyo, iyo halyeygii Talyaaniga ee Dino Zoff oo dad badan ku doodaan in uu yahay goolhayihii ugu fiicnaa taariikhda kubadda cagta.
Inta badan goolhayeyaashii kooxaha waaweyn ee Yurub ee laga soo bilaabo sannihii 1960-meeyadii illaa hadda ayaa laga qayb-geliyey qiimayntan, iyadoo laga eegay bandhiggooda heer kooxeed iyo heer xul intaba, waxaana doodda lagu soo afjaray liis gaaban oo 30 ciyaartoy ah.
Goolhayeyaal waaweyn ayaa liiskan aan soo gelin oo soddonka ugu dambeeya hoos uga dhacay, balse ay qasab tahay in la xuso in ay ku jireen tobanka xiga, waxaana ka mid ahaa Ry Clemence England ahaa, Jens Lehmann oo Arsenal iyo xulka Germany ahaa, Fbien Barthez oo xulka France iyo Manchester United u ciyaari jiray, goolhayihii Barcelona iyo Spain ee Victor Valdes iyo mishiinka gool-dhaliyaha Brazil ee Rogerio Ceni oo isaga oo goolhaye ahaa dhaliyey 129 gool oo intooda badan ahaa laad xor ah iyo rikoodheyaasha oo uu khabiir ku ahaa.
Goolyahayaha ugu fiican waxay taageereyaasha kubadda cagtu u doorteen Gianlugi Buffon, waxaana labaad soo galay Yashin, halka goolhayaha Bayern Munich ee Manuel Nuer uu kaalinta saddexaad ak cidhiidhsaday Iker Casillas oo afraad galay iyo Oliver Kahn oo shanaad u dhacay.
Halkan kaga bogo 30ka goolhaye ee ugu wanaagsanaa taariikhda kubadda cagta
30. David Seaman – 1982-2004
29. Pat Jennings – 1963-1986
28. Ederson – 2011-Present
27. Jose Luis Chilavert – 1982-2004
26. Dida – 1992-2015
25. Dino Zoff – 1961-1983
24. Gordon Banks – 1958-1978
23. Guillermo Ochoa – 2004-Present
22. Thibaut Courtois – 2009-Present
21. Hugo Lloris – 2005-Present
19. Jerzy Dudek – 1991-2011
18. David de Gea – 2008-Present
17. Ruslan Nigmatullin – 1992-2009
16. Kasper Schmeichel – 2006-Present
15. Sergei Ovchinnikov – 1990-2007
14. Gianluigi Donnarumma – 2015-Present
13. Marc-André ter Stegen – 2009-Present
12. Igor Akinfeev – 2003-Present
11. Alisson Becker – 2013-Present
10. Rinat Dasayev – 1976-1991
9. Jan Oblak – 2009-Present
8. Edwin van der Sar – 1990-2016
7. Peter Schmeichel – 1981-2003
6. Petr Cech – 1999-2019
5. Oliver Kahn – 1987-2008
4. Iker Casillas -1999-2020
3. Manuel Neuer – 2005-Present
2. Lev Yashin -1950-1970
1. Gianluigi Buffon – 1995-2023
