Endrick ayaa dhaleeceyn badan kala kulmay taageerayaasha Real Madrid , kadib markii ay kooxda qarka u fuushay inay xaqiijiso guul ay ka gaari lahayd Atletico Madrid.
Real ayaa saameyay rabshadihii Wanda Metropolitano iyadoo qayb ka mid ah taageerayaasha Atletico Madrid ay walxo ku tuureen Thibaut Courtois ka dib markii Eder Militao uu daqiiqadii 64aad ee ciyaarta goolka u dhaliyay Real Madrid.
Ka dib markii la hakiyay oo dib leskugu soo laabtay waxa ay u muuqatay in Los Blancos ay la tagayso 3 dhibcood ka hor inta uusan Angel Correa goolka barbaraha u keenin Rojiblancos.
Si kastaba ha ahaatee, jamaahiirta Real Madrid ayaa hadda farta ku fiiqaya Endrick oo ay ka muuqato damac nafsi ah, kaasoo ciyaarta soo afjari karay, isagoo kubad u dhiibi karay Jude Bellingham, balse taa bedelkeeda uu go’aansaday inuu kubad meel fog uu ka toogto.
Iyadoo taageerayaashu ay aad u dhaleeceeyeen Endrick, xitaa tababare Carlo Ancelotti ayaa ku raacay taageryaasha in Brazilian-ka uu kubada baasi karay halkii uu toogan lahaa.
Real Madrid ayaa daqiiqado u jirtay in ay hoos u dhigto farqiga u dhexeeya iyaga iyo Barcelona iyaga oo ka dhigi karay hal dhibic oo kaliya, si kastaba ha ahaatee, goolkii barbaraha ee Correa ayaa haatan seddex dhibcood ka fogeeyay hogaanka horyaalka Catalan.
Real Madrid ayaa haatan isku diyaarinaysa kulankeeda xiga ee Champions League ah oo ay wajahayaan Lille Arbacada.
Waxaan reer miyiga ah
Hadaad saxafi tahay dhexdhexaad
Noqo waxaad jeceshahsy iyo taageero aad riyal u tahay mxaad nooga sheegaysaa