Super Kumbuyuutar oo loo adeegsaday Champions League ayaa saadaaliyay in kooxda Arsenal ay ku guuleysan doonto koobka xilli-ciyaareedkan.
Haddii ay sidaas dhacdo, waxay noqon doontaa koobkii ugu horreeyay ee Champions League ee Arsenal ku guuleysata taariikhda .
Gunners weligood looma saadaalin koobka ugu sarreeya kooxaha Yurub, waxaana ugu fiicneyd bandhiggii ay sameeyeen xilli-ciyaareedkii 2005-06, markaas oo ay ku dhammeysteen kaalinta labaad kaddib guuldarro ay kala kulmeen Barcelona.
Jimcihii, Arsenal waxaa isku aadka wareega 16-ka ee Champions League lagu beegay kooxda reer Netherlands ee PSV Eindhoven.
Kumbuyuutarka saadaaliya ee BETSiE, oo ay leedahay Bettingexpert, ayaa hadda saadaaliyay in kooxda Mikel Arteta ay markoodii ugu horreysay hanan doonaan koobka.
BETSiE ayaa u adeegsatay algorithms si ay u saadaaliso kooxda hanan doonta Champions League kaddib markii la soo gabagabeeyay isku aadka wareega bug-baxa.
Kumbuyuutarku wuxuu xilli-ciyaareedka u sameeyay 100,000 jeer oo tijaabo ah, iyadoo la tixgelinayo dhammaan natiijooyinkii xilli-ciyaareedkii hore, kulamadii saaxiibtinimo, iyo qaab-ciyaareedka hadda socda.
Iyadoo la adeegsanayo natiijooyinkaas, Arsenal ayaa noqotay kooxda ugu cadcad inay ku guuleysato koobka, iyagoo leh 22.4% fursad ah inay qaadaan Champions League.
Barcelona ayaa ku jirta kaalinta labaad iyadoo leh 15.2% fursad ah, halka Real Madrid ay tahay kooxda saddexaad ee ugu cadcad.
Dhanka kale, isagoo ka falcelinaya in Arsenal lagu beego PSV, Mikel Arteta wuxuu amaanay kooxda reer Netherlands.
“Waan la ciyaarnay [wareegii hore] waana koox aad u wanaagsan, taas waan ognahay,” ayuu yiri Arteta xilli uu warbaahinta la hadlayay ka hor kulanka ay Arsenal Sabtida la ciyaari doonto West Ham ee Premier League.
