Ciyaartoyda Manchester United iyo Liverpool ayaa ku sugan garoonka Old Trafford oo ay ku dheelayaan ciyaar si weyn loo sugayo oo ay natiijadeedu saamayn ku yeelan doonto figta sare ee horyaalka Premier League.
Erik ten Hag ayaa laba isbeddel ku sameeyey safkii uu Khamiistii kula ciyaaray Chelsea ee guul-darrada soo hooyey, waxaana uu dib usoo celiyey weeraryahanka reer England ee Marcus Rashford oo beddelay Antony, halka da’yarka difaaca ah ee Willy Kambwala uu isaguna kusoo garab bilowday Harry Maguire, maadaama ay dersin difaacyo ah ka dhaawacan yihiin Man United.
Liverpool ayaa waxa uu tababare Jurgen Klopp saddex isbeddel ku sameeyey safkii uu Khamiistii kula ciyaaray Sheffield United ee soo hooyey guusha 3-1 ah, waxaana kusoo bilowday Jarell Quansah, Andy Robertson iyo Wataru Endo, kuwaas oo boosaska kala baxay Joe Gomez, Ibrahima Konate iyo Ryan Gravenbech.
Shaxaha rasmiga ah ee labada kooxood
Manchester United XI: Onana, Wan-Bissaka, Maguire, Kambwala, Dalot, Casemiro, Mainoo, Fernandes, Garnacho, Hojlund, Rashford.
Kaydka: Bayindir, Amass, Ogunneye, Amrabat, Eriksen, Mount, Amad, Antony, Forson.
Liverpool XI: Kelleher, Robertson, Van Dijk, Quansah, Bradley, Mac Allister, Endo, Szoboszlai, Diaz, Nunez, Salah
Beddelka: Adrian, Gomez, Konate, Jones, Gakpo, Elliott, Tsimikas, Gravenberch, Danns.
