Ruben Amorim ayaa hore u tilmaamay arrimo ku saabsan saxiixiisa ugu horreeya ee Manchester United.
Tababaraha cusub ee Manchester United Ruben Amorim ayaa durba sheegay tilmaamo waaweyn oo ku saabsan suurtagalnimada saxiixiisii ugu horreeyay ee Old Trafford.
Tababaraha 39-jirka ah ayaa toddobaadkan si rasmi ah u bilaabay shaqadiisa Carrington kadib markii uu kasoo hayaamay shaqadii Sporting ee horyaalka Liga Portugal.
Iyadoo hadalka intiisa badan uu diiradda saaray Viktor Gyokeres oo loo arko inuu buuxin karo baahida Manchester United ee gooldhalinta, haddana waxaa jira xiddig kale oo Sporting ah oo Amorim si gaar ah ugu xusay shirkiisii jaraa’id ee ugu dambeeyay.
Kooxda Red devils ayaa horey loola xiriirinayay garabka Sporting, Pedro Goncalves (Pote), oo ilaa hadda afar gool iyo saddex caawin ka sameeyay siddeed kulan oo horyaalka ah xilli ciyaareedkan, waxaana Amorim uu aaminsan yahay inuu u ciyaari karo koox kasta oo adduunka ah.
Isagoo la hadlayay Record shirkiisii jaraa’id ee ugu dambeeyay ee Sporting, Amorim ayaa yiri: “Goncalves? Wuxuu u ciyaari karaa koox kasta oo adduunka ah iyo ciyaaro kasta sababtoo ah waa ciyaaryahan weyn. Meel kasta ayaan la tegi karaa.
“Waa qof aad u qosol badan, taasoo hagaajisa xiriirkeena, laakiin sidoo kale aad buu u caqli badan yahay. Si kastaba ha ahaatee, waa inuu diiradda saaraa Sporting sababtoo ah waa inaan xilli ciyaareedkan noqonnaa kuwa horyaalka ku guuleysta. Laakiin sidoo kale anigoo ah tababaraha Sporting, waxaan leeyahay wuxuu u ciyaari karaa koox kasta oo adduunka ah.”
