Mikel Arteta waxa uu dib u helay Gabriel Jesus oo hoggaamin doona xiddigaha kooxda Arsenal kulanka adag ee maanta ee ay garoonkooda Emirates Stadium kusoo dhoweyn doonaan Liverpool.
Tababaraha reer Spain waxa uu liiskiisa ka saaray Thomas Partey oo maalmihii u dambeeyey tababarka la qaadanayay kooxda koowaad laakiin la xaqiijiyey in ay jug soo gaadhay oo uu dib ugu noqday dhaawac.
Arsenal oo doonaysa inay guul ka gaadho ciyaarta maanta si ay usoo yarayso farqiga dhibcaha ee ay Liverpool kaga hayso hoggaanka oo ah san dhibcood, ayaa waxa kale oo ay ogsoon tahay in haddii laga badiyo ay siddeed dhibcood ka hoosayn doonaan Liverpool.
Ka sokow Thomas Partey, waxa kale oo liiska ciyaartoyda Arsenal aan lagu soo darin Jurrien Timber iyo Fabio Vieira oo muddo dheer dhaawac u jiifay, halka Takehiro Tomiyasu aanu kasoo laabanin xulkiisa oo Sabtidii ka hadhay tartanka qaramada Asia, balse ay rajaynayaan inay dib u heli doonaan maalmaha soo socda.
Go’aanka laga sugayo Mikel Arteta waa inuu kala doorto Emile Smith Rowe iyo Kai Havertz midkooda uu kusoo bilaabayo khadka dhexe, hase yeeshee waxa kale oo uu haystaa oo kusoo laabtay kooxda laacibka khadka dhexe ee reer Masar ee Mohamed Elneney oo uu alkiisu ka hadhay tartanka qaramada Afrika.
Halkan kaga bogo xiddigaha Arsenal ee diyaarka u ah kulanka Liverpool
Goolhayeyaal: Aaron Ramsdale, David Raya, Karl Hein
Difaacyahanno: Gabriel, Cedric, Jakub Kiwior, William Saliba, Ben White, Oleksandr Zinchenko
Khadka Dhexe: Mohamed Elneny, Karl Havertz, Jorginho, Martin Odegaard, Declan Rice, Emile Smith Rowe
Weeraryahanno: Gabriel Jesus, Gabriel Martinelli, Reiss Nelson, Eddie Nketiah, Bukayo Saka and Leandro Trossard
