Tababaraha kooxda kubadda cagta Arsenal ee Mikel Arteta ayaa dib u helay ciyaartooyo dhaawac kaga maqnaa kulankii ay guusha weyn ka gaadheen Liverpool, waxaana uu dib usoo dhoweeyey Bukayo Saka, Oleksandr Zinchenko iyo Gariel Jesus iyadoo labada hore ay dhaawacyo ku baxeen ciyaarta oo socota.
Saxaafadda ayuu usii sheegay ka hor ciyaarta maanta ee West Ham, in Zinchenko iyo Takehiro Tomiyasu ay tababarka kusoo laabteen Sabtidii, laakiin ay xaaladdooda hubin doonaan daqiiqadaha ugu dambeeya ee ay soo saarayaan shaxda kooxda.
Thomas Partey ayaa si buuxda uga maqan ciyaartan oo aan taam ahayn kaddib markii uu dib ugu laabtay dhaawac isaga oo soo kabanaya, laakiin laacbkan uu shakiga weyn geliyey waa Gabriel Jesus oo go’aankiisa ay waqti dambe qaadan doonaan laakiin loo badinayo in ay fursaddiisa ciyaartani yar tahay.
Emile Smith Rowe ayaa kusoo bilaaban kara ciyaarta maanta, sidoo kalena Eddie Nketiah ayaa rajaynaya inuu kasoo hormari doono Kai Havertz, inkasta oo ay xaaladdu ku xidhan tahay taam ahaanshaha Jesus.
Halkan kaga bogo liiska ciyaartoyda Arsenal ee kulanka West Ham ee maanta
Goolhayeyaal Aaron Ramsdale, David Raya, Karl Hein.
Difaacyahanno Gabriel Magalhaes, Cedric Soares, Takehiro Tomiyasu, Jakub Kiwior, William Saliba, Ben White, Oleksandr Zinchenko.
Khadka Dhexe: Mohamed Elneny, Kai Havertz, Jorginho, Martin Odegaard, Declan Rice, Emile Smith Rowe
Weerarka: Gabriel Jesus, Gabriel Martinelli, Reiss Nelson, Eddie Nketiah, Bukayo Saka, Leandro Trossard
