Kooxda Fulham ayaa ku guuleysatay tartankii ay mudada dheer ugu jirtay inay ku soo xerogeliso weeraryahanka Chelsea Armando Broja ka dib markii ay xalay oo suuqa kala iibsiga uu soo xirmay ay kula wareegeen weeraryahanka amaah lix bilood ah.
Kooxda Fulham oo deris la ah Chelsea oo ay kawada dhisan yihiin Galbeedka London ayaa xiiseyneysay 22 jirkaan bishii Janaayoo oo dhan, laakiin wadahadalada ayaa u muuqday kuwa hakad galay madaama Chelsea ay dalbaneysay lacag gaareysa 5 milyan ginni si ay amaah ugu fasaxdo Broja laakiin hishiis ayaa la gaaray saacadii ugu danbeysay suuqa kala iibsiga.
Lacagta amaahda ee ay Fulham siineyso Chelsea ayaa haatan ah 4 milyan ginni, waxayna ku xiran tahay qaab ciyaareedka iyo kulamada uu Armando Broja u safto Fulham xilli ciyaareedkan.
Goolka kaliya ee Broja uu ka dhaliyay Premier League xilli ciyaareedkan wuxuu ka dhaliyay Fulham bishii Oktoobar.
Fulham ayaa aad ugu baahneyd gooldhaliye, iyagoo kaliya dhaliyay labo gool lixdii kulan ee ugu danbeysay Premier League.
Waxaa taas sii dheer inuu ka dhaawacmay weeraryahan Raul Jimenez.
