Victor Osimhen ayaa dhamaystiray heshiiska amaahda ah ee uu ugu wareegay Galatasaray waxana uu xaqiijiyay in uu dookh u yahay in uu qandaraaska u kordhiyo Napoli ilaa June 2027.
Weeraryahanka ayaa laga saaray kooxda Partenopei ka dib markii uu ku guuldareystay inuu dhameystiro u dhaqaaqista maalintii ugu dambeysay ee Al-Ittihad ama Chelsea.
Ma uusan ka mid ahayn qorshayaashii Antonio Conte, kooxduna waxay ku celisay Nigerian-ka inuu ahaa kii diiday inuu mar kale u ciyaaro.
Suuqyadii kale ee la xidhay, Turkigu waxa uu ahaa dooqa kaliya ee uu heeystay xiddiga.
Waxaana loo ogolaaday inuu si bilaash ah ugu biiro Galatasaray hal xilli oo amaah ah, waaba haddii ay daboolayaan inta badan mushaharkiisa dhan €10 milyan oo Euro.
Si kastaba ha ahaatee, bayaanka rasmiga ah ayaa lagu xusay in Osimhen la siin doono mushaar saafi ah oo dhan €6 milyan oo euro.
Waxa uu xiran doonaa lambarka 45-aad.
Napoli ayaa heysata fursad ay ku kordhin karto qandaraaskiisa June 2027 hadii aysan dhameystirin iibka xagaaga soo aadan, taasoo siineysa boos gorgortan oo xoogan.
Si kastaba ha ahaatee, qiimaha lagu burburin karo qandaraaska ayaa la filayaa inuu hoos uga dhaco sannadka soo socda € 130 milyan oo euro ilaa € 75-80 milyan.
Napoli ayaa ka soo iibsatay Lille bishii Sebtembar 2020 €77.5 milyan oo lagu daray waxyaabo dheeri ah wuxuuna dhaliyay 76 gool isagoo 18 caawin sameeyay 133 kulan oo tartan ah.
Weerar yahanka dhexe ayaa 26 jirsanaya bisha December waxaana uu 21 gool u dhaliyay Nigeria 35 kulan oo uu u saftay.
