Kooxda kubadda cagta Real Madrid ayaa shaacisay qiimaha tigidhada kulanka Bayern Munich ee lugta labaad ee semi-finalka Champions League ee ka dhici doona garoonka Santiago Bernabeu 8da bisha dambe ee May.
Real Madrid oo lugta hore u safri doonta magaalada Munich ayaa waxa ay May 8 kusoo dhoweyn doontaa Bayern garoonka Santiago Bernabeu oo taageereyaasha lagu wargeliyey qiimeyaal kala duwan oo lagu salleeyey qaybaha garoonku ka kooban yahay.
Tigidhka ugu jaban ee Real Madrid oo ah qaybta afraad ama sare ee garoonka ayaa waxa ay Los Blancos kaga iibinaysaa taageereyaasheeda lacag dhan 88 Euro, waxaana ku xigaya qaybaha Woqooyiga iyo Koonfurta oo qiime ahaan ka qaalisan halka qaybta bariga iyo galbeedka ee sare ay yihiin kuwa ugu qaalisan oo 445 Euro uu yahay qiimaha halka tigidh.
Real Madrid oo rajaynaysa in uu buuxsami doono garoonkeeda Santiago Bernabeu ee dib u dhiska lagu sameeyey oo 85,000 qof, ayaa sidoo kale taageereyaasha lagu wargeliyey waqtiga ay bilaabmi doonaan iibsiga tigidhada ciyaarta oo ay in goostaan jamaahiirtu, waana 30ka April oo website-ka naadigan laga heli doono.
Guul waxan oo aan ka helayno kalsooni