Weeraryahanka Paris Saint-Germain iyo xulka France ee Kylian Mbappe ayaa ka dhaartay inuu tago horyaalka waddanka Ingiriiska ee Premier League, waxaana uu kaliya doonayaa inuu tago Real Madrid ama uu sii joogo PSG. (Caughoffside)
Tababaraha Arsenal ee Mikel Aryteta waxa uu doonayaa in uu sii haysto goolhayaha reer Egnland ee Aaron Ramsdale mustaqbalka dhow. (Football Insider)
Tababaraha kooxda Sporting Lisbon ee Ruben Amorim oo ay doonayso Liverpool in uu u beddelo Jose Mourinho, ayaa go’aanka mustaqbalkiisa shaacin doona xagaaga. (Teamtalk)
Goolhayihii hore ee Manchester United ee David de Gea oo 33 jir ah, ayaa waxa maalintii ugu dambaysay suuqa iibka ciyaartoyda dalab ka gudbisay Nottingham Forest balse waqtiga ayaa ku simi waayey inay dhamaystiraan heshiiska. (Athletic)
Tababare Gary O’Neil ayaa sheegay, in ay suurtogal ahaan lahayd in Wolves ay waajahdo ganaax 10 dhibcood lagaga jarayo xilli-ciyaareedka dambe, haddii ay Chelsea amaah kaga soo qaadan lahayd weeraryahanka reer Albania ee Arando Broja oo 22 jir ah. (Mail)
Xiddiga Manchester United usoo baxay ee Kobbie Mainoo oo 18 jir ah, ayaa waxa xulka Ingiriiska ka afduubanaya xidhiidhka kubadda cagta Ghana oo doonaya inuu u ciyaaro qarankooda maadaama uu asal ahaan kasoo jeedo dalkaas. (Telegraph)
Bryan Gil oo khadka dhexe uga ciyaara Tottenham ayaa iska diiday heshiis amaah ahaa oo bishii January ay ku doonayeen kooxo dhawr ah oo ay ku jirto Brighton. (Fabrizio Romano)
Tababarihii hore ee Roma ee Jose Mourinho ayaa iska diiday dalab uu ka helay koox horyaalka Sucuudiga ah. (Standard)
Bayern Munich waxay amaah ku doonaysay xiddiga Chelsea ee Mykhailo Mudryk bsihii january, si uu ugu beddelo Kingsley Coman oo ka dhaawacmay. (Athletic)
Goolhayaha AC Milan ee Mike Maignan oo 28 jir ah ayaa waxa uu kooxdiisa kala hadlayaa hesiis cusub oo sare u qaadaya mushaharkiisa. (Gazzetto dello Sport)
