Cristiano Ronaldo ayaan meesha ka saarin in uu sii wadi doono ciyaarista kubadda cagta ilaa uu ka garab ciyaaro wiilkiisa Cristiano Jr.
Rinaldo ayaa arinkaan si faahfaahsan kaga hadlay isaga oo waraysi muuqaal ah la yeeshay Mr Beast.
Ronaldo ayaa YouTube-kiisa ku marti qaaday Mr Beast, dhacdo si weyn loo wada sugayey ayay aheyd, kulankan labada shaqsi ee sameynta leh.
Mr Beast waxa uu magac weyn ku leeyahay youtube-ka, waana shaqsiga heysta macaamiisha ugu badan, halka Ronaldo uu yahay ka mid ah ciyaartoyda ugu fiicnan kubbadda cagta.
Mr Beast waxa uu xusay LeBron James oo la ciyaaraya hadda wiilkiisa, waxa uuna waydiiyay Ronaldo hadii uu jeclaan lahaa in uu sidaas oo kale sameeyo, 39-jirka CR7 ayaa ku jawaabay “Waan arki doonaa, waa 14 jir, waan arki doonaa sida taasi u dhacdo ”
Ronaldo ayaa dabcan aad loogu xusuustaa waayahiisa kooxaha ugu waa wayn Yurub sida Manchester United iyo Real Madrid, laakiin waxa uu sidoo kale hadda wax weyn ka qabanayaa Sucuudiga.
Ciyaaryahanka heerka caalami ee dalka Portugal ayaa guud ahaan Al Nassr u dhaliyay 74 gool 85 kulan oo uu usaftay.
Waxaa hubaal ah inay noqon lahayd mid qaas ah haddii Ronaldo uu sii wadan karo dhowr sano oo kale inuu ciyaaro, markaas oo laga yaabo in wiilkiisa oo 16 ama 17jir ah uu garoon la galo.
