Kooxda kubadda cagta Real Madrid ayaa doonaysa inay la saxeexato difaaca kooxda Everton iyo xulka England ee Jarrad Branthwaite oo ay da’diisu tahay 21 jir. waa difaac dhexe oo ay kooxo badan oo kale raadianyaan. (Mail)
Khadka dhexe ee Everton iyo Belgium ee Amadou Onana oo ay doonayso Arseanl, ayaa waxa wada-hadallo la furtay Manchester United. Laacibkan lagu naanayso ‘Yaya Toure-ha cusub’ waxa uu Erik ten Hag doonayaa inuu ku garaaco Mikel Arteta. (Football Transfers)
Khadka dhexe ee Liverpool ee Fabio Carvalho ayaa ku biiri doona kooxda heerka labaad ee Ingiriiska ee Hull City oo uu amaah ku joogi doono inta ka hadhay xilli-ciyaareedkan. (Athletic)
Kooxda reer Sucuudi Carabiya ee Al-Ettifaq ma doonayso inay fasaxdo khadka dhexe ee reer England ee Jordan Henderson bishan January. (Ben Jacobs)
Bayern Munich iyo Bayer Leverkusen ayaa ka mid noqday kooxaha doonaya inay la saxeexdaan Jordan Henderson. (Talksport)
Manchester City iyo Newcastle United waxa u socda wada-hadallo ay doonayaan inay heshiis kaga gaadhaan saxeexa khadka dhexe ee reer England ee Kalvin Phillips oo 28 jir ah. (Rudy Galetti)
Borussia Dortmund ayaa heshiis la gaadhay Chelsea oo ay amaah kagala wareegayso difaaca reer Netherlands ee Ian Maatsen oo Salaasada maanta tijaabada caafimaadka maraya. (Fabrizio Romano)
Bayern Munich waxay kula biirtay Tottenham tartanka loogu jiro difaaca reer Romania ee Radu Dragusin oo ah 21 jir u ciyaara Genoa, laakiin waxa qarka u saaran Spurs. (GSP).
