Kooxaha Liverpool iyo Manchester United ayaa iska xaadiriyey wareegga siddeedda FA Cup oo ay iyagu isku dhaceen oo ay ku dagaallami doonaan kaddib markii ay isku dhaceen isku-aadkii lasii sameeyey fiidkii hore.
Manchester United ayaa waxa guul cidhiidhi ah oo uu u go’aamiyey xiddiga reer Brazil ee Casemiro ay kasoo gaadhay Nottingham Forest oo ay marti u ahayd, waxaana goolkani uu dhashay dhamaadka ciyaarta oo ay laba daqiiqadood oo kali ahi ka hadhsan yihiin.
Kubbad laad xor ah oo uu Bruno Fernandes kasoo qaaday dhinaca bidix ayaa waxa madax goolka hortiisa ah ku qabtay Casemiro oo shabaqa ku leexiyey, waxaana intii ay kooxdiisu dabbaal-degga ku jirtay uu waqtigu gaadhay daqiiqaddii 90aad, iyadoo Nottingham Forest aanay wax fursad ah oo ay ku barbarrayn karto helin ayaanay ciyaartu dhamaatay.
Dhinaca kale, Liverpool oo carruur u ciyaarayso ayaa 3-0 ku garaacday Southampton oo marti ugu ahayd Anfield, waxaana goolasheeda dhaliyey saddexda ciyaartoy ee da’yarta ah ee Luis Koumas oo dhamaadka qaybta hore goolka dhaliyey, iyo Jayden Danns oo labada gool ee dambe is-raaciyey.
