Waxa aan shaki ku jirin in kooxda Real Madrid suuqa ugu jirto baadigoobka daafac midig oo mustaqbalka fog ah, waxaana wararku kooxda reer Spain la xidhiidhinayeen maalmihii u dambeeyay xidiga muhiimka u ah Liverpool ee Trent Alexander Arnold.
Kadib dhaawaca fog ee Dani Carvajal iyo sidoo kale Lucaz Vazquez oo da’ ahaan weyn ayaa keenaysa in kooxda Los Blancos ay suuqa ugu jirot raadinta dambeed midig.
Trent Arnold ayaa ah kan ugu sareeya liiska kooxda Real Madrid, iyada oo Real Madrid ay heshiis hordhac ah la geli karto bisha Janaayo maadama heshiiskiisa uu dhacayo dhamaadka xagaagan iyadoo Liverpool aanay weli wax heshiis cusub ah la gaadhin, dambeedka midig ee Tottenham Pedro Porro ayaa sidoo kale ka mid ah ciyaartoyda ay Real Madrid indho indhaynaysay bilihii u dambeeyay.
Dambeedka midig ee Bayern Leverkusen Jeremie Frimpong ayaa sidoo kale lagu heli karaa €40M oo qandaraaskiisa lagu burburin karo sidoo kalena doonaya ka ciyaarida horyaalka Spain.
Juanlu Sanchez iyo Jon Aramburu ayaa sidoo kale ku jira liiska Real Madrid ee Madrid qorsheynayso iney saxiixooda u dhaqaaqdo.
Carlo Ancelotti ayaa la filayaa inuu kulan la qaadan doono Florentino Perez isaga oo ka dalban doona saxiix dambeed midig ah bisha Janaayo.
