Madaxweynaha kooxda kubadda cagta Real Madrid ayaa saxeexay jeeg lacag ah oo ciyaartoyda kooxdiisa abaal-marin looga dhigi doono haddii Axadda ay guul ka keenaan ciyaarta Spanish Super Cup oo ay Barcelona ku garaacaan finlka.
Real Madrid oo Arbacadii 5-3 kusoo karbaashtay Atletico Madrid ayaa waxa ay finalka iskugu soo baxeen Barcelona oo Khamiistii kasoo takhalustay Osasuna, waxaanay mdikood calfan doontaa koobkan.
Los lancos oo ku jirta qaab-ciyaareed wanaagsan ayay kusoo beegantay ciyaartani, waxaana 13kii ciyaarood ee ugu dambeeyey ay badiyeen 12 ka mid ah, iyagoo dhiirranaan badan kasoo helay guushii ay Arabcadii ka gaadheen Atletico Madrid.
Xilli-ciyaareedkan oo dhan dhamaan tartamada, Real Madrid waxay guul-darraysatay hal mar oo ahayd ciyaartii Madrid Derby ee Wanda Metropolitano ee bilowgii xilli-ciyaareedka, halka Barcelona ay kusoo garaaceen garoonkeeda.
Sida uu qoray wargeysyada Defensa Central iyo Sport, Madaxweynaha Real Madrid ee Florentino Perez ayaa waxa uu qalinka ku duugay jeeg lacag ah oo ciyaartoy kasta oo kooxda ah lagu siinayo €150,000 Euro, taas oo wadarteedu noqonayso €4 milyan oo Euro.
Ciyaartoyda iyo shaqaalaha ayaa si isku-mid ah loogu qaybin doonaa lacagtan, waxaana uu Florentino Perez ku muujinayaa muhanninimo iyo in uu diyaar ula yahay kooxdiisa inuu wax walba u huro.
Lacagtan ayaa ka dhigan kala-badh lacagta ay Real Madrid ka heli doonto xidhiidhka kubadda cagta Spain haddii ay ku guuleysato koobka taas oo noqonaysa €8 milyan oo Euro.
