Tababaraha Real Madrid, Carlo Ancelotti, ayaa ka hadlay doorkiisa daafaca midig ka hor kulanka Los Blancos tartanka UEFA Champions League ku wajaheyso caawa Liverpool.
Real Madrid ayaa dhibane ka ah booska dambeedka midig, iyadoo ay dhaawacyo soo gaareen Dani Carvajal iyo Lucas Vasquez.
Federico Valverde ayaa loo isticmaalay booskaas kulankii ugu dambeeyay ee Los Blancos 3-0 ay kaga badisay kooxda Leganes, si fiican ayuuna kaga soo baxay.
“Lucas iyo Tchouameni… ma garanayno xaaladooda dhaawaca inta ay la egtahay, laakiin waxaan isku dayi doonaa inaan dib u helno sida ugu dhaqsiyaha badan “ayuu yiri Ancelotti.
Runtu waxa ay tahay in Fede dhanka midig uu si fiican kaga ciyaaray markalana doorkaas kasoo muuqan karo caawa,” ayuu u sheegay tababaraha Real Madrid majalada AS.
Federico Valverde ayaa ka ciyaari kara boosas badan, tababaraha Real Madrid ayaa markale ku xalin doona dhibaatada kooxdu ka qabto difaaca midig kulanka caawa ee Liverpool.
Tababaraha reer Talyaani ayaa yiri, “Ma waxay tahay inaan ka fikiro,” markii la weydiiyay hadii Valverde uu ka ciyaari karo doorka difaaca midig kulanka Liverpool.
Los Blancos ayaa doonaysa in ay difaacato koobabka La Liga iyo Champions League xilli ciyaareedkan, waxaana caawa tijaabo adag ay ku mareysaa garoonka Liverpool ee Anfield.
