Taageerayaasha Netherlands ayaa ku gacan seyray go’aankii rigoorada lagu abaalmariyay England ciyaarta semi-finalka Euro 2024 la ciyaarayaan Netherlands.
England ayaa barbareesay gool uu daqiiqadii 8aad ka dhaliyay Xavi Simons.
Rigoore muran dhalisay ayaa loo dhigay Harry Kane daqiiqadii 20aad.
Weeraryahanka Bayern Munich ayaa xerada ganaaxa dhexdeeda darbo ku dhuftay kubada balse waxuu taakel kala kulmay daafaca reer Holland ee Denzel Dumfries, kaasoo jaale ku qaatay qaladka uu sameeyay oo gadaao ay kasoo ogaatay VAR.
Garsoore Felix Zwayer ayaa markii hore diiday gool kulaadka,laakin waxa uu bedelay go’aankiisa ka dib markii uu kasoo hubiyay VAR.
Daaficii hore ee England Jamie Carragher ayaa hogaaminayay dhaleeceynta baraha bulshada, isagoo ku andacoonaya in aysan rigoore sax ahayn.
Taageeryaal badan ayaana ku raacay go’aankaas.
