Baaris dil ah ayaa la bilaabay ka dib markii haraadiga meyd laga helay meel wax yar u jirta akadeemiga Manchester United.
Qof shacab ah ayaa arkay haraadiga meyd oo bac ku jira meel mitir u jirta xarunta akadeemiga ee Manchester United.
Haraadiga jirka meydka ayaa la helay galabnimadii Khamiista waxaana la gelay akadeemiga tababarka Man United, iyadoo kooxda koowaad ay sidoo kale tababar ku sameyn jireen halkaas balse haatan tababar ku sameeya Carringhton.
Aaga laga helay meydka ayaa waxaa xiray boliiska Manchester iyadoo haatan la bilaabay baaris la xiriirta qofka la dilay ee haraadigiisa la dhigay akadeemiga Man United,.
Weli cidna looma xirin dhacdadaan. Welina lama cadeyn qofka uu ahaa meydka jirkiisa bacda la soo geliyay.
Man United ayaa ka gaabsatay inay ka hadasho arintaan madaama ay baarayaan boliiska islamarkaana ay tahay baaris la xiriirta ruux la dilay.
Dhacdadaan sidoo kale ma saameynin tababarka akadeemiga kooxda oo sidii caadiga aheyd u socda.
Manchester United ayaa Axada waxay Old Trafford ku soo dhaweyn doontaa Liverpool kulan ka tirsan horyaalka Premier League.
