Chelsea ayaa lagu soo waramayaa inay ku dhowdahay inay dhamaystirto heshiiska ay kula soo saxiixaneyso khadka dhexe ee Sporting CP Dario Essugo xagaagan.
19 jirkaan ayaa haatan amaah ku jooga kooxda La Liga ka dhisan ee Las Palmas, waxaana qaab ciyaareedkiisa Spain uu soo jiitay xiisaha kooxda Enzo Maresca, kuwaasoo doonaya inay dhameystiraan heshiiskan ka hor suuqa kala iibsiga xagaaga 2025.
Essugo ayaa si aad ah loola xiriirinayay inuu u dhaqaaqayo Stamford Bridge bishii Janaayo, laakiin Blues waxay dooratay inay xaqiijiso saxiixa da’yarka Saint-Etienne Mathis Amougou maalinta ugu dambeysay ee suuqa kala iibsiga.
Si kastaba ha ahaatee, Essugo ayaa weli ah bartilmaameedka muhiimka ah ee Chelsea, waxayna ku dhow yihiin inay heshiis la gaaraan xagaaga, sida laga soo xigtay The Sun.
Laacibka heerka caalami ee xulka Portugal U21 ayaa 14 kulan u saftay Las Palmas xilli ciyaareedkan, waxaana lagu soo waramayaa inuu aqbali doono kaliya u dhaqaaqista Stamford Bridge haddii loo balan qaado inuu door ku yeelanayo kooxda koowaad.
Chelsea oo hore u haysatay siddeed ciyaartoy oo khadka dhexe ah oo ay ku jiraan Moises Caicedo, Enzo Fernandez, Romeo Lavia, Kiernan Dewsbury-Hall iyo Amougou culeys ayay ku noqon doontaa in ay boos u helaan xiddigaan dhalinyarada ah ee mustaqbalka leh.
