Khadka dhexe ee Chelsea ee Conor Gallagher ayaa sheegay inuu doonayo inuu sii joogo Stamford Bridge. 24 jirkan reer England oo qandaraaskiisa ay ka hadhsan yihiin 18 bilood ayaa lala xidhiidhinayaa kooxda Tottenham Hotspur. (Sky Sports)
Arsenal ayaa liiska xiddigaha ay doonayso ku darsatay weeraryahanka xulka qaranka Republic of Ireland iyo kooxda Brighton ee Evans Ferguson oo 19 jir ah, kaas oo ay doonayaan in ay xagaaga ku xoojiyaan safkooda hore ee weerarka. (Football Insider)
Goolhayaha Ajax ee Diant Ramaj oo 22 jir ah, ayaa waxa doonaysa Arsenal oo ka dhiganaysa beddelka Aaron Ramsdale oo la filayo inuu ka tago xagaaga. (Football Transfers)
Sir Jim Ratcliffe oo ka mid ah mulkiileyaasha Manchester United, sidoo kalena ah ninka hadda kooxda maamula ayaa doonaya inuu dibu-qaabayn ku sameeyo kooxda, iyadoo mushaharka ciyaartoydana lagu xidhayo guulaha ay ka keenaan garoomada. (Mirror)
Manchester United waxa kale oo ay doonaysaa difaac dhexe oo lugta midig isticmaala iyo difaac midig xagaaga. (Telegraph)
Weeraryahanka Manchester United ee Anthony Martial oo 28 jir ah, ayaa go’aansaday inuu iskaga tago kooxdaas dhamaadka xilli-ciyaareedka, maadaama uu qandaraaskiisu dhamaad yahay. United ayaa haysata sannad dookh ah oo ay ku kordhin karayso heshiiska laakiin uma badna inay sidaas samayn doonto. (Football Insider)
Juventus ayaa go’aamisay qiimaha ay ku iibinayso 18 jirkeeda Kenan Yildiz oo 15 kulan u saftay tan iyo markii ay kala soo wareegeen Bayern Munich xagaagii 2022. Juventus ayaa dalbanaysa £51 milyan oo Gini. (Sun)
Weeraryahanka Brazil ee Endrick ayaa go’aansaday in uu ku biiro Real Madrid marka ay da’diisu noqoto 18 jirka bisha July, waxaana uu iska diidayaa Palmeiras oo ka dalbanaysay inuu lasii joogo illaa December. (ESPN)
