Kooxda kub adda cagta Arsenal ayaa lagu riday ganaax kaddib wixii ay sameeyeen ciyaartoydoodu markii ay dhamaatay ciyaartii ay Axaddii guusha 3-1 ah kaga gaadheen Liverpool.
Xidhiidhka kubadda cagta Ingiriiska ayaa shaaciyey in ay ganaax ku rideen Arsenal oo lix ka mid ah ciyaartoydeedu ay u dhaqmeen si ka baxsan anshaxa iyo asluubta ciyaaraha, waxaana sidoo kale go’aan shaqsi ah laga gaadhay tababare Mikel Arteta oo sameeyey dabbaal-deg waalli ahaa.
Mikel Arteta ayaa sii jiidh-jiidhay qaar ka mid ah shaqaalaha telefishanka Liverpool isaga oo ka falcelinaya goolkii uu dhaliyey leandro Trossard waqtigii dhamaadka, isaga oo sidoo kale diilintooda galay ciyaartoyda kaydka Liverpool.
Xidhiidhka kubadda cagta Ingiriiska ayaa sheegay in Arsenal ay ku ganaaxeen £25,000 Gini, sababtoo ah waxa ay sameeyeen anshax-xumo, iyadoo ay kaadhadh digniin ah dhamaadkii qaateen William Saliba, Declan Rice iyo Kai Havertz, halka horena ay saddexda ciyaartoy ee Ben White, Gabriel Magalhaes iyo Jakob Kiwior u qaateen kaadhadh.
Laakiin FA-gu waxa uu sheegay in Mikel Arteta aanu si badheedh ah u gelin diilinta isla markaana aanay ujeeddadiisu ahayn inuu ka cadhaysiiyo oo uu jiid-jiidho ciyaartoyda iyo shaqaalaha tababarka ee Lverpool.
