Kooxda kubadda cagta Real Madrid ayaa shaacisay, in Jude Bellingham ay ka daawaysay dhaawac kasoo gaadhay kuraanta lugta bidix oo uu muddo ka maqnaan doono garoomada, kaddib markii uu laacibkani dhaawac kaga baxay ciyaartii Girona ee horyaalka LaLiga.
Jude Bellingham ayaa waxa liicday kuraanta lugta bidix, waxaana uu awoodi waayey in uu kusii jiro garoonka, iyadoo lagu beddelay Brahim Diaz.
Real Madrid ayaa war-saxaafadeed ay soo saartay waxay ku dhaacday in dhaawac uu laacibkeedan kasoo gaadhay kuraanta oo xagga sare ah, waxaanay warbaahinta Spain sheegaysaa in uu garoomada ka maqnaan doono laba illaa saddex toddobaad, taas oo ka dhigan in uu ugu yaraan afar ciyaarood ka maqnaan doono.
Lugta hore ee wareegga 16ka Champions League ee ay Real Madrid toddobaadkan la ciyaarayso RB Leipzig ayaa noqon doonta ciyaarta koowaad ee uu ka maqnaanayo, kaddibna waxa aanu qayb ka noqonaynin kulamada Rayo Vallecano, Sevilla iyo Valencia, halka uu sidoo kale shaki ku jiro ciyaarta lugta labaad ee wareegga 16ka Champions League ee RB Leizpig ay safarka ugu tegi doonaan.
