Lewandowski oo kulankii Poland ee UEFA Nations League habeenkii xalay badal ku soo galay ayaa la shaaciyay inuu soo gaaray dhaawac.
Wuxuu ka caawiyay xulkiisa oo 3-1 lagu hogaamiyay inay barbaro 3-3 ah helaan, iyadoo goolka barbaraha uu dhaliyay Sebastian Szymanski.
Lewandowski sababta uusan ugu soo bilaaban ciyaartii xaay tababaraha xulka qaranka Michal Probierz wuxuu ku sheegay inuu qabay dhaawac yar.
Kabtanka Polish-ka waxaa dhamaadka ciyaarta la sawiray isagoo dhutinaya, tasoo la micno ah inuu dhaawac jiro.
Si kastaba, weeraryahanka Barcelona ayaa u muuqday mid xanuun ka dareemayay lugta, iyadoo wali wax war rasmi ah uusan kasoo bixin kooxdiisa iyo dalkiisa.
Lewandowski oo dhaliyay 26 gool tartamada oo dhan xilli ciyaareedkii hore, qaab cajiib ah ayuu ku bilowday ololaha cusub ee Barcelona oo hogaamineysa horyaalka Laliga Spain.
Kooxda Hansi Flick ayaa Axada soosocta booqanaysa Sevilla. Ka dib waxay la ciyaareysaa Bayern Munich Champions League, waxaana seddex maalmood ka dib u xiga kulanka Real Madrid oo dhacaya 26 October.
