Taageerayaasha Chelsea ayaa si weyn u carooday ka dib ficil uu ku kacay mid ka mid ah ciyaartoydooda ka dib guuldaradii ka soo gaartay Manchester City.
Goolkii uu Bernando Silva u dhaliyay City ayaa ka caawiyay inay 1-0 kaga badiyaan Chelsea semi-finalkii koobka FA Cup.
City ayaa ka soo kabsatay jugtii ka soo gaartay Champions League, waxayna haatan finalka FA Cup ku sugayaan midkood Manchester United ama Coventry.
Dhanka kale, Blues ayaa iska qasaarisay fursado badan oo ay gool ku dhalin kareen, waxayna haatan xilli ciyaareedka ku dhameysanayaan bilaa koob.
Ciyaarta ka dib waxaa la arkayay daafaca waayo araga ah Thiago Silva oo ooynaya, iyadoo muuqaalkaas si weyn loogu wadaagay baraha bulshada.
Taageerayaasha Chelsea ayaana ka carooday Noni Madueke oo Silva gadaashiisa taagnaa kaasoo la kaftamayay xiddiga Man City Jack Grealish halka Silva uu la ooynayay guuldarada.
Xilli Silva uu ka xumaaday guuldaradii soo gaartay kooxdiisa, Madueke waxa uu la qoslayay xiddiga Man City Grealish.
Taageere Chelsea ah ayaa ku soo qoray X: Madueke waa doqon.”
Mid kale ayaa soo raaciyay: “Waa farqiga u dhaxeeya labo jiil oo hal muuqaal lagu soo koobay.”
Mid kale ayaa yiri: “Maskaxiyadooda ayaa kala duwan.”
Taageere afaraad ayaa soo qoray: “Madueke ma xishoonayo” halka taageere kale uu yiir: “Tani waxay tusaale u tahay in caruurta uu soo uruuriyay Beohly inaysan marnaba shaqeyn doonin.”
