Barcelona ayaa guul kale gaartay habeenkii xalay ka dib markii ay 5-2 kaga badisay Crvena Zvedza kulan ka tirsan Champions League.
Hadda guulaha xiriirka Barcelona waa todoba, iyadoo seddex ka mid ah ay yihiin tartanka Champions League.
Crvena Zvedza ayaa si xun loo garaacay, laakiin waxay awoodeen inay dhaliyeen laba gool waana wax ka fiican Real Madrid sida ay ku doodayaan.
Barcelona ayaa 4-0 ku garaacday kooxda ay xifaaltamaan ee Real Madrid kulankii Clasico 12 maalmood ka hor, kooxda reer Serbia, natiijadooda way ku qanacsan yihiin, iyagoo ku maadeysanaya Los Blancos baraha bulshada.
Kahor qoraalka ay baraha bulshada ku baahisay kooxda, ciyaaryahan Crvena Zvedza Timi Max Elsnik ayaa sidaas oo kale yiri markii uu la hadlay warbaahinta ka dib guuldarradii xalay.
“Ugu yaraan waxaan ku faani karnaa inaan ka dhalinay Barcelona goolal ka badan kuwii Real Madrid ayay hadda kula maadeysanayaan baraha bulashada kooxda reer Serbia.
Barcelona ayaa noqtay kooxaha faraha looga gubto marka lala ciyaarayo tan iyo bilowga xili ciyaareedkaan, waxay si awood leh ku hogaaminayaan 9 dhibcood horyaalka Laliga Spain.
