Tababaraa xulka England ee Gareth Southgate iyo macallinka Brentford ee Thomas Frank ayaa ku jira liiska tababareyaasha ay Manchester United doonayso inay ka dhigato beddelka Erik ten Hag. (ESPN)
Barcelona waxay xiisaynaysaa tababaraha Arsenal ee Mikel Arteta in uu noqdo macallinkooda cusub ee u beddelaya Xavi Hernandez oo dhamaadka xilli-ciyaareedkan ka tegaya Camp Nou. Joan Laporta iyo Deco ayaa doonaya in Mikel Arteta uu noqdo macallinkooda cusub. (Relevo)
Brighton ayaa u sheegtay kooxaha doonaya tababare Roberto de Zerbi inay bixiyaan lacag dhan £12.8 milyan oo Gini, iyadoo Barcelona, Liverpool iyo Manchester United ay danaynayaan tababarahan. (Mail)
Difaaca Spain ee Marc Cucuerella oo 25 jir ah ayaa lagu daray liiska ciyaartoyda ay Chelsea iibin doonto xagaaga soo socda. (Football Insider)
Bayern Munich ayaa uga hormartay Liverpool tababaraha reer Spain ee Xabi Alonso, waxaanay la bilowday wada-hadallo ay ku doonayso inuu la wareego Bavaria, si uu ugu beddelo Thomas Tuchel oo shaqada ka tegaya dhamaadka xilli-ciyaareedka. (Telegraph)
Difaaca reer Portugal ee Joao Cancelo oo 29 jir ah, ayaa la filayaa inuu kordhiyo heshiiska amaahda ah ee uu kula joogo Barcelona oo uu xagaagii kaga soo biiray Man City. (Sky Sport)
Liverpool waxa ay doonaysaa in ay agaasimaheeda cusub ee ciyaaraha u magacowdo Richard Hughes oo ah 44 jir la xaqiijiyey inuu ka tegi doono Bournemouth oo uu isla xilkaas oo kale ka hayo. (Times)
Liverpool, Borussia Dortmund iyo Paris Saint-Germain ayaa ku tartamaya saxeexa 22 jirka khadka dhexe ee reer Argentina ee Alan Varela, laakiin Porto ayaa ku xidhay inay bixiyaan £60 milyan oo Gini. (Foot Mercato)
Khadka dhexe ee reer Brazil ee Joelinton ayaa doonaya inuu sii joogo horyaalka Premier League, xataa haddii ay Newcastle isku afgaran waayaan heshiis cusub iyadoo qandaraaskiisuna ku egyahay badhtamaha sannadka 2025. (Football Insider)
Chelsea waxa ay xiisaynaysaa garabka weerarka Athletic Bilbao ee Nico Williams. 21 jirkan ayaa qandaraaskiisa lagu burburin karayaa kaliya £43 milyan oo Gini. (Telegraph)
Williams waxa sidoo kale uu diiradda u saaran yahay Arsenal oo kala dooranaysa isaga iyo Pedro Neto oo u dheela Wolves iyo waliba weeraryahanka Brentford ee Ivan Toney oo 27 jir ah. (Evening Standard)
