Aston Villa ayaa kalsooni buuxda ku qabta in ay Arsenal iyo Manchester United ku garaaci doonto saxeexa 22 jirka garabka weerarka uga ciyaara Crystal Palace iyo xulka France ee Michael Olise. (Football Transfers)
Manchester United waxa ay qorshaysay in toddobaadyada soo socda ay furto wada-hadallo ay la gelayso Crystal Palace oo ay ka doonayso Michael Olise oo qiimihiisa lagu sheegay £60 milyan oo Gini. (Sun)
Laba kooxood oo Premier League ah ayaa xidhiidh la sameeyey Manchester United oo ay ka doonayaan 22 jirka reer England ee Mason Greenwood oo amaah ugu maqan Getafe, laakiin laacibkan ayaa doorbidaya in aanu kusoo noqonin England. (Telegraph)
Chelsea ayaa beenisay in Romelu Lukaku uu qayb ka yahay heshiiska ay ku doonayaan weeraryahanak reer Nigeria ee Victor Osimham oo ah 25 jir u ciyaara Napoli. (90 min)
Chelsea waxa ay heshiis shaqsi ah la gaadhay 17 jirka reer Brazil ee Willian Estevao oo lagu naanayso ‘Messinho’ oo u ciyaara Palmeiras. (Fabrizio Romano)
Aston Villa iyo Chelsea ayaa joojiyey xiisahoodii garabka weerarka xulka Spain iyo kooxda Athletic Bilbao ee Nico Williams oo 21 jir ah, sababtoo ah waxa ay ka biyo diideen mushaharka badan ee uu dalbanayo. (90 min)
Manchester United ayaa waxay la hadashay tababaraha Bayern Munich ee Thomas Tuchel oo ay doonayso inay ku beddesho Erik ten Hag. (Talksport)
