Manchester United, Newcastle iyo AC Milan waxay diyaar u yihiin inay West Ham ka afduubtaan weeraryahanka reer Guinea ee Serhou Guirassy oo 27 jir ah. Manchester United ayaa ah kooxda ugu cadcad ee diyaarka u ah inay bixiso 15 milyan oo Gini oo lagu burburin karayo qandaraaska laacibkan ee Stuttgart. (Football Insider)
Liverpool, Real Madrid iyo Paris Saint-Germain waxay dhamaantood xiisaynayaan saxeexa difaaca 18 jirka ah reer France ee Leny Yoro oo u ciyaara Lille. (AS)
Brighton waxa ay maalmaha soo socda dhamaystiraysaa saxeexa 19 jirka difaaca reer Argentina ee Valentin Barco oo u dheela Boca Juniors, kaas oo ay kasoo bixinayaan £8 milyan oo Gini. (Telegraph)
Weeraryahanka Manchester United ee Anthony Martial waxa uu iska diiday dalab uga yimid Sucuudiga, sababtoo ah waxa uu doonayaa inuu sii joogo Yurub, iyadoo uu dalabyo ka helayo West Ham, Inter Milan iyo Fenerbahce. (Caught Offside)
Khadka dhexe ee Manchester United ee Hannibal Mejbri ayaa kusii jeeda Sevilla oo uu amaahugu biirayo, waxaase heshiiska 20 jirkan lagu daray in kooxda reer Spain ay si rasmi ah ugu iibsan karto £17.5 milyan oo Gini. (Mail)
Arsenal iyo Chelsea waxa ay isku haystaan difaaca reer Ivory Coast ee Ousmane Diomande oo u ciyaara kooxda Sporting Lisbon. 20 jirkan ayaa hadda xulka dalkiisa kala qayb-gelaya tartanka Qaramada Afrika. (Record)
Mustaqbalka Karim Benzema ee Al-Ittihad ayaa uu mugdi galay, kaddib markii uu 36 jirkan reer France ka maqnaaday tababarka dhawr maalmood taas oo keentay in laga saaro liiska ciyaartoyda oo safar ku jooga magaalada Dubai oo ay tababar ku qaadanayaan. (Marca)
Tottenham, Arsenal iyo Fulham waxay raadinayaan weeraryahanka 22 jirka ah ee reer Mexico ee Santiago Gimenez oo u ciyaara Feyenoord. (Football Insider)
Liverpool waxay diyaar u tahay inay iibiso goolhayaha reer Ireland ee Coaimhim Kelleher, waxaana qiimihiisa ay ku jaangoysay £20 milyan oo Gini. Kooxo ay ka mid tahay Sunderland ayaa doonaya inay la saxeexdaan 24 jirkan. (Mirror)
Napoli waxa ay xiisaynaysaa difaaca reer England ee Trevoh Chalobah oo ay Chelsea diyaar u tahay inay iibiso. (Tuttomercato)
Southampton waxay amaah ku doonaysaa weeraryahanka reer Ivory Coast ee Amad Diallo oo garabka uga ciyaara Manchester United, laakiin waxa sidoo kale xiisaynaysa Bournemouth. (GMS)
