Xiddiga khadka dhex ee Dominik Szoboszlai ayaa ka maqnaaday Liverpool kulanka adag ee Arsenal iyadoo hore aanay warbaahinta Ingiriiska iyo kooxdiisa midkoodna usii sheegin sababta maqnaanshihiisa.
Laacibka reer Hungry oo hore afar ciyaarood oo dhaawac ah ugaga maqnaaday kooxdiisa, sida labadii lugood ee semi-finalka FA Cup ee ay kaga takhaluseen Fulham, ayaa dib usoo laabtay ciyaartii FA Cup ee Norwich City, isaga oo kulankii Chelsea sameeyey caawin iyo gool uu dhaliyey.
Shaxda kooxda ee kusoo bilaabatay ciyaarta iyo kaydka ayaanu midna ku jirin, waxaana sababta maqnaanshihiisa oo aan hore loosii ogeyn ka hadlay tababare Jurgen Klopp ka hor intii aanay bilaabmin ciyaarta Arsenal, waxaana uu xaqiijiyey in uu mar kale dhaawac muruqa ah soo gaadhay oo ay qiimayn doonaan xaaladdiisa maalmaha soo socda.
“Khatar ma gelin karayno, waana in aanu sugno qiimaynta dhakhaatiirta, wayna noo caddayd in aanu maanta ciyaari karayn.”
