Chelsea ayaa ku qabsatay Manchester United garabka weerarka Crystal Palace ee Michael Olise. 22 jirkan reer France ayaa waxa hore liiska xiddigaha u calaamadsan ugu darsatay Manchester United, haddana Blues ayaa kula soo biirtay tartanka. (Football.London)
Liverpool waxay dagaal adag kala kulmi doontaa kooxaha Bayern Munich iyo Manchester United oo iyaguna doonaya tababaraha Bayer Leverkusen ee Xabi Alonso oo ay Reds u doonayso inuu u beddelo Jurgen Klopp oo Jimcihii shaaciyey inuu ka tegayo Anfield. Man United iyo Munich ayaa sidoo kale doonaya Xabi Alonso iyo waliba tababaraha Brighton ee Roberto de Zerbi oo mid walba ay u doonayso inay ka dhigato macallinkeeda cusub. (Telegraph)
Bayer Leverkusen waxay kalsooni buuxda ku qabtaa in ay sii haysan doonto tababare Xabi Alonso oo uu sii joogi doono Bundesliga inkasta oo ay doonayso Liverpool. (Sky Germany)
Burnley waxay dalab £10.2 milyan oo Gini ah ka gudbisay difaaca dhexe ee reer France ee Maxime Esteve oo ah 21 jir u ciyaara Montpellier iyo xulka da’yarta Faransiiska. (Mail)
Everton waxay ka fiirsanaysaa inay amaah ku bixiso xiddiga reer Algeria ee Sai Benrahma oo 28 jir ah. (HITC)
Nottingham Forest, West Ham iyo Fulham ayaa dhamaantood doonaya difaaca Chelsea ee Trevoh Chalobah. (Football Insider)
Lyon waxay xiisaynaysaa khadka dhexe ee Tottenham iyo xulka Denmark ee Pierre-Emile Hojbjerg iyo weeraryahanka Villarreal iyo xulka Netherlands ee Arnaut Danjuma oo hadda amaah ugu maqan Everton. (L’Equipe)
Leicester City ayaa dalab rasmi ah ka gudbisay Stefano Sensi oio khadka dhexe uga ciyaara Inter Milan iyo xulka Talyaaniga, waxaanay ku doonayaan amaah lagu daray qodob fursad u siinaya inay si rasmi ah ula saxeexato haddii ay dib ugu soo laabato horyaalka Premier League ee ay xagaagii ka dhacday. (Gianluca di Marzio)
Kooxda kubadda cagta Al-Shabaab ee horyaalka Sucuudiga, waxa ay doonaysaa inay la saxeexato 29 jirka khadka dhexe uga ciyaara Newcastle United iyo xulka Paraguay (Mail)
