Isku-aadka wareegga siddeedda tartanka Copa del Rey ayaa la shaaciyey, kaddib markii ay soo gudbeen 16 kooxood oo ay ugu weyn yihiin Barcelona iyo Atletico Madrid oo wareeggii hore kusoo garaacay Real Madrid iyo Unionistas.
Wareegga siddeedda oo ay usoo gudbeen Athletic Bilbao, Barcelona, Atletico Madrid, Sevilla, Celta Vigo, Real Sociedad, Real Mallorca iyo Girona ayaa waxa lagu kala bixi doonaa hal ciyaar oo kaliya, mana jiraan laba lugood.
Kulamada wareegga siddeedda ayaa la ciyaari doonaa saddex maalmood oo ah January January 23, 24 iyo 25, waxaana markaas kaddib la samayn doonaa isku-aad kale oo noqon doona afar dhamaadka.
Barcelona ayaa waxa ay wareegga siddeedda isku dhaceen Athletic Bilbao oo ay garoonka San Mames foodda isku dari doonaan, halka Atletico Madrid ay hoygeeda kusoo dhoweyn doonto Sevilla.
Ciyaar kale oo adag, waa Celta Vigo iyo Real Sociedad, iyadoo Real Mallorca ay waajihi doonto Girona.
Isku-aadka wareegga siddeedda iyo waqtiyada la ciyaarayo
Celta Vigo vs Real Sociedad (Khamiis, January 23, 9:30 p.m.)
Real Mallorca vs Girona (Arbaca, January 24, 7:30 p.m.)
Athletic Bilbao vs Barcelona (Arbaca, January 24, 9:30 p.m)
Atlético Madrid vs Sevilla (Khamiis, January 25, 9:00 p.m.)
Taariikho muhiim ah
Waqtiga la ciyaarayo wareegga siddeedda : January 23, 24 iyo 25
Waqtiga la ciyaarayo semi-finalka : Lugta hore February 7 iyo lugta labaad February 28
Waqtiga la ciyaarayo Final : April 6
