Kooxda kubadda cagta Real Madrid ayaa sii xambaaran doonta karaatoon dharka ciyaartoydeeda ah marka ay Sabtida safarka ugu tagto kooxda yar ee Aradina oo ay isku dhaceen tartanka Copa del Rey, sababtoo ah waxa sugaya ciyaartooyo koox heerka afraad ah oo mar horeba kasoo dalbaday in lasiiyo garamada Real Madrid marka ay ciyaartu dhamaato.
Ciyaartoyda kooxda Arandina ayaa sii kala doortay ciyaartoyda Real Madrid ee ay garamadooda kala qaadanayaan.
Jorge Gonzalez ‘Pesca’ oo ah kabtanka Arandina ayaa sheegay in ay usoo jeediyeen Real Madrid in qolka labbiska ee kooxdooda ay ku diyaariyaan shaadhadhka ugu badan ee suurtogalka ah, si qof walba oo kooxdooda ah uu u helo garan ama shaadh uu ku qoran yahay magaca ciyaartoyda Real Madrid.
Madaxweynaha kooxda Arandina oo lagu magacaabo Virginia Martinez ayaa isaguna sheegay in ciyaarta Real Madrid ay kooxdooda u keenayso magac iyo in ay adduunyadu barato, haddana ay durba arkayaan in magaca kooxdooda ay warbaahintu hadal hayso.
Xiddiga khadka dhexe ee Real Madrid ee Luka Modric ayaa nqoday ciyaartoyga ay inta badan sugayaan garankiisa ciyaartoyda Arandina, waxaana soo codsaday sagaal ciyaartoy, halka Jude Bellingham ay saddex ciyaartoy kala qaadan doonaan garamadiisa, sidoo kalena Toni Kroos iyo Rodrygo Goes ay min laba ciyaartoy oo Arandina ah soo dalbadeen garamadooda.
Waa kuwan sida ay ciyaartoyda Arandina usoo kala dalbadeen garamada ciyaartoyda Real Madrid
