Thierry Henry oo dhaliil culus u jeediyay xiddig ka tirsan Arsenal.Wuxuu si toos ah ugu soo jeediyay inuu ‘wax badan soo bandhigo’ xiddiga.
Thierry Henry iyo Jamie Carragher ayaa falanqeeyay qaab ciyaareedka Arsenal ee barnaamijka Monday Night Football, iyagoo tilmaamay sida kooxda Mikel Arteta u horumarin karto fursadaha ay ka helaan kubadaha bannaanka.
Henry ayaa si gaar ah u dul istaagay hal ciyaaryahan oo uu ku dhaliilay inuu hoos uga dhacayo heerka laga filayay. Arsenal ayaa dhibco lumisay labadii kulan ee ugu dambeeyay Premier League, kaddib markii ay barbarro 1-1 ah la galeen Fulham halka barbarro goolal la’aan ay kala soo laabteen Everton toddobaadkii hore.
Intii lagu guda jiray falanqaynta guushii 2-0 ee Arsenal ka gaartay Manchester United horaantii bishaan, Henry ayaa sheegay in Liverpool ay aad uga “fursad badan” tahay marka loo eego Arsenal.
Isagoo ka hadlaya Liverpool, Henry wuxuu yiri: “Markaad aragto Liverpool oo weerar qaadaysa waxaad arkaysaa [Joe] Gomez, [Darwin] Nunez, [Diogo] Jota oo ordaya. Laakiin Saka waxaad ogtahay inuu kubadda u dhiibi doono [Martin] Odegaard oo keliya.”
Henry wuxuu diiradda saaray Gabriel Martinelli, isagoo falanqeeyay xaalad hal-iyo-hal ah oo uu la galay Diogo Dalot.
Wuxuu ka xumaaday go’aamada uu Martinelli qaatay, isagoo yiri: “Gembis keliya looma baahno,waa inaad natiijo keentaa.”
Jamie Carragher ayaa isna ku daray: “Martinelli waa inuu wax badan soo bandhigaa.”
