Rio Ferdinand oo sheegay in Liverpool ay tahay kooxda ugu cadcad ku guuleysiga Champions League.
Halyeeyga Manchester United, Rio Ferdinand, ayaa sheegay in Liverpool ay tahay kooxda ugu fiican ee u cad-cad hanashada tartanka Champions League xilli ciyaareedkan.
Liverpool ayaa ilaa haatan guulaysatay dhammaan lixdii kulan ee ay ciyaartay tartanka, iyagoo si rasmi ah u xaqiijiyay booska ay kaga jiraan wareega 16-ka Champions League.
Ferdinand, oo ka hadlayay guulaha kooxda Arne slot, ayaa ku ammaanay qaab ciyaareedka kooxda. Isaga oo ka hadlayay, wuxuu yidhi:
“Ilaa haatan, waa kooxda ugu fiican, way dhamaystirantahay.”
Wuxuu sidoo kale intaas ku daray:
“Waa kooxda ugu cad-cad in ay ku guulaysato tartanka xilli ciyaareedkan.”
Liverpool ayaa xilli ciyaareedkan muujisay awood sare, iyadoo la filayo inay sii wado qaab ciyaareedkaas tartanka ka hor inta aan la gaarin kulamada bug-baxa.
